| Gwella Llwybrau COPD gyda Thempled ‘COPE’ Cymru Gyfan
Ymunwch â ni am sesiwn clir ei chanolbwynt sy'n archwilio Templed ‘COPE’ (Creu Unwaith, Cyhoeddi ym Mhobman) Cymru Gyfan ar gyfer COPD (Clefyd Rhwystrol Cronig yr Ysgyfaint). Offeryn clinigol safonol yw hwn sy'n cefnogi adolygiadau COPD cyson o ansawdd uchel a hynny ar draws gofal sylfaenol a chymunedol. Yn y weminar hon, byddwn yn archwilio’r canlynol: • Pam y cafodd y templed cenedlaethol ei ddatblygu • Sut mae'n gwella asesiadau ac yn cefnogi gofal cyson • Y manteision i glinigwyr a chleifion • Mewnwelediadau i weithredu cynnar ar draws practisiau sy'n cymryd rhan
Y Siaradwyr: Natalie Janes – Nyrs Arweiniol, y Rhwydwaith Anadlol; Uwch-ymarferydd Nyrsio a Phresgripsiynydd Anfeddygol; Pennaeth Addysg (Gofal Clinigol a Gofal o Bell), Ymddiriedolaeth Gwasanaeth Ambiwlans Cymru (WAST) Yr Athro Keir Lewis – Arweinydd Anadlol Clinigol, BIP Hywel Dda. Keir yw’r Arweinydd Anadlol Clinigol ym Mwrdd Iechyd Prifysgol Hywel Dda, ac mae hefyd yn Athro Meddygaeth ym Mhrifysgol Abertawe. Mae ei ddiddordebau clinigol ac ymchwil yn cynnwys COPD, rhoi'r gorau i ysmygu a methiant anadlol cronig. Mae wedi bod wrthi’n datblygu a mireinio'r templed ‘COPE’ ers 2020, mewn partneriaeth ag Ymchwilwyr ym maes Gofal Sylfaenol sy’n cynnal Ymchwil a gaiff ei llywio gan Werthoedd, a hynny gyda chyllid arloesi gan Astra Zeneca a Sefydliad Tritech, Llanelli.
Mae'r weminar hon yn ddelfrydol ar gyfer clinigwyr gofal sylfaenol, timau anadlol, a chydweithwyr sy'n cefnogi llwybrau COPD.
Ymunwch â ni i ddysgu sut mae'r dull Cymru gyfan hwn yn helpu i wella canlyniadau a symleiddio gofal i bobl sy'n byw gyda COPD. |
