| Sgrinio Canser yr Ysgyfaint yng Nghymru Gweminar
Canser yr ysgyfaint, o bell ffordd, yw prif achos marwolaethau oherwydd canser yng Nghymru. Profwyd bod sgrinio trwy ddefnyddio sgan tomograffeg gyfrifiadurol (CT) dos isel, wedi'i dargedu yn gallu lleihau marwolaethau oherwydd canser yr ysgyfaint. Mae Pwyllgor Sgrinio Cenedlaethol y DU hefyd wedi argymell y dylid defnyddio’r dull hwn.
Bydd y sesiwn hon yn trafod y cynnydd o ran sgrinio am ganser yr ysgyfaint yng Nghymru hyd yn hyn, a'r cynlluniau ar gyfer cyflwyno rhaglen sgrinio canser yr ysgyfaint genedlaethol yng Nghymru.
Yr hyn y byddwch yn ei ddysgu:
- Sut mae defnyddio sgan CT dos isel wedi'i dargedu i sgrinio am ganser yr ysgyfaint yn lleihau marwolaethau trwy ganfod canser yn gynharach
- Y cynnydd hyd yma yn dilyn gwaith cwmpasu gan Rwydwaith Canser Cymru, gan gynnwys y cynllun Peilot Gweithredol
- Ymrwymiad Llywodraeth Cymru i raglen sgrinio canser yr ysgyfaint genedlaethol, gydag Iechyd Cyhoeddus Cymru yn arwain y broses o’i rhoi ar waith
Pwy ddylai ddod i’r weminar hon: Mae'r sesiwn hon yn berthnasol i ystod eang o randdeiliaid, gan gynnwys cydweithwyr sy'n gweithio ym maes:
- Gofal sylfaenol
- Gofal eilaidd
- Iechyd y cyhoedd
- Gwasanaethau rhoi'r gorau i ysmygu
- Y trydydd sector
Siaradwr: Dr Sinan Eccles - Meddyg Anadlol Ymgynghorol, Ysbyty Brenhinol Morgannwg. Arweinydd Clinigol Anadlol ar gyfer rhaglen Sgrinio Canser yr Ysgyfaint, Iechyd Cyhoeddus Cymru |
